Полицијата во Богданци лишила од слобода 21-годишен жител на градот по пријава дека физички ја нападнал својата 17-годишна девојка.
Од МВР информираат дека на 1 октомври во 1:10 часот, полициски службеници од СВР Струмица – ОВР Гевгелија го привеле 21-годишникот.
Според пријавеното, на 30 септември околу 21 часот, тој во својот дом физички ја нападнал 17-годишната девојка.
За случајот бил известен јавен обвинител од Основното јавно обвинителство Гевгелија. По целосното документирање на настанот, против лицето ќе биде поднесена соодветна пријава.
