21-годишниот Абдул е осомничен за терористичкиот напад во Берлин: Властите предупредуваат дека е вооружен и опасен

Германската полиција објави потерница по 21-годишниот Абдул Б., кој е осомничен за нападот што синоќа се случи во близина на Парадата на гордоста во Берлин, при што едно лице загина, а најмалку 16 се повредени.

— реклама —

Според информациите на полицијата и Обвинителството, осомничениот наводно со возило удрил во луѓе во близина на паркот Тиргартен, по што избегал. Во тек е интензивна потрага, а властите апелираат граѓаните да не му се приближуваат доколку го забележат, туку веднаш да ја известат полицијата, бидејќи се смета дека може да биде вооружен и опасен.

— реклама —

Според описот што го објавија германските власти, осомничениот е висок околу 190 сантиметри, има црна коса и последен пат бил виден облечен во црн дуксер со качулка и бели панталони.

— реклама —

Полицијата соопшти дека Абдул Б. ѝ бил познат и од претходно и дека се поврзува со исламистички кругови во Берлин, но истрагата за мотивот и сите околности на нападот сè уште е во тек.

— реклама —