Во текот на изминатото деноноќие полицијата лишила од слобода 21 возач на различни локации во Македонија, поради сомнение за сторено кривично дело „безобѕирно управување со возило“ според член 297-а од Кривичниот законик.
Од приведените, 14 лица управувале возила без положен возачки испит. Станува збор за Б.С. (18), А.Б. (20) и Е.М. (21) од Скопско, Б.Ф. (24), А.Ч. (19) и Е.Ј. (28) од Скопје, Т.Т. (62) од Велес, Б.А. (36) од Мелница, општина Чашка, А.Ш. (26) од Битола, А.С. (18) од Битолско, Х.Р. (18) од Охрид, Н.М. (44) од Валандовско, А.И. (28) од Тетовско и Ф.Ј. (24) од Тетово.
Тројца возачи биле лишени од слобода поради управување под дејство на алкохол. С.К. (54) од Скопје, Т.С. (68) од Радовишко и Д.С. (41) од Тетовско биле затекнати во ваква состојба.
Уште четворица возачи биле приведени бидејќи управувале возило и покрај активна забрана за управување. Тоа се Д.С. (32) од Кичево, С.М. (32) и Г.П. (42) од Скопје и С.Т. (55) од Кавадарци.
Од МВР информираат дека по целосното документирање на случаите ќе бидат поднесени соодветни кривични пријави.
Полицијата апелира до сите учесници во сообраќајот да ги почитуваат правилата и прописите и да не управуваат возило без положен возачки испит, со активна забрана или под дејство на алкохол.
