22-годишник приведен поради закани со пиштол

Полицијата приведе 22-годишен жител на селото Страхојадица, скопско, поради сомнение дека со пиштол им се заканувал на повеќе лица кај железничката станица во Зелениково, соопшти Министерството за внатрешни работи.

— реклама —

Според МВР, В.И. (22) бил лишен од слобода на 6 јули, по претходна пријава дека на 5 јули околу 21:10 часот, додека бил заедно со Е.Б. (24) од истото село, упатувал закани со пиштол кон И.М. (41) и уште неколку други лица.

— реклама —

— реклама —

Според пријавеното, Е.Б. во истиот настан физички го нападнал 35-годишниот Н.Н.

— реклама —

За случајот е известен јавен обвинител, а по неговото целосно расчистување и документирање ќе бидат поднесени соодветни поднесоци.