25 години од трагедијата кај Требош: Загинале тројца припадници на единицата „Лавови“

Денеска се навршуваат 25 години од загинувањето на тројцата припадници на специјалната полициска единица „Лавови“ – Драго Маневски, Бобан Трпков и Оливер Петрушевски, кои на 11 ноември 2001 година го загубија животот во заседа кај тетовското село Требош.

— реклама —

По повод годишнината, Слободан Темелковски се потсети на трагичниот настан, наведувајќи дека припадниците на единицата биле испратени да обезбедат терен на кој постоеле сомневања за масовна гробница со телата на 13 киднапирани македонски цивили.

Според неговото сведоштво, при враќањето од задачата, полициската колона била нападната од заседа со ракетни фрлачи и зољи. Во нападот загинале Маневски, Трпков и Петрушевски, додека тројца нивни соборци биле ранети.

— реклама —

Темелковски истакнува дека загинатите биле млади луѓе, семејни луѓе и припадници на единицата кои ја извршувале својата задача и покрај опасноста. Тој повикува нивниот спомен да се зачува и нивната жртва никогаш да не биде заборавена.

— реклама —

„Нека е вечен споменот на Драго, Бобан и Оливер“, порачува Темелковски.

— реклама —