27 годишен тетовчанец украл ташна со телефон и платежни картички, полицијата го приведе

Полицијата во Тетово лишила од слобода 27-годишен жител на градот, осомничен дека одзел ташна со лични предмети, платежни картички и мобилен телефон.

— реклама —

Како што информираат од Министерството за внатрешни работи, на 28 август 2026 година во 13:40 часот, полициски службеници од СВР Тетово го лишиле од слобода М.Ц. (27) од Тетово.

— реклама —

Претходно, 45-годишна жена од село Ново Село пријавила дека во близина на бензинска пумпа во Тетово ѝ била одземена ташна во која имало лични предмети, платежни картички и мобилен телефон.

— реклама —

Полициските службеници ги пронашле одземените предмети, по што тие ѝ биле вратени на сопственичката.

— реклама —

Од МВР информираат дека по целосното документирање на случајот против М.Ц. ќе биде поднесена соодветна пријава.