27-годишник нападнал жена и двајца членови на нејзинот семејство, а потоа во нападот се приклучиле и неговата мајка и тетка

27-годишен жител на Голема Речица е лишен од слобода откако 22-годишна жена од Тетово пријавила дека ѝ се заканувал, а потоа физички ја нападнал неа и двајца членови на нејзиното семејство.

— реклама —

Од МВР информираат дека Ф.Ш. (27) бил лишен од слобода на 14 септември во 19 часот од страна на полициски службеници од СВР Тетово.

— реклама —

Според пријавеното, 22-годишната Ф.А. од Тетово околу 15:50 часот била во трговски центар во Тетово, каде што Ф.Ш. ѝ се заканувал. Подоцна, таа заедно со нејзиното семејство отишла пред домот на Ф.Ш. за да разговараат со неговите родители.

Таму, според пријавата, Ф.Ш. физички ја нападнал Ф.А., нејзината мајка Е.А. (50) и нејзиниот чичко Љ.А. (48). Во нападот, според пријавеното, се приклучиле и неговата мајка и тетка.

— реклама —

Во инцидентот, како што е пријавено, Ф.Ш. го оштетил и патничкото возило „фолксваген голф“ со тетовски регистарски ознаки, како и мобилниот телефон на Ф.А.

— реклама —

Лицето е задржано во полициска станица. Од МВР велат дека по целосното документирање на случајот против него ќе биде поднесена соодветна пријава.