Полицијата во Струмица лишила од слобода 28-годишен жител на градот, по пријава дека физички ја нападнал својата 16-годишна вонбрачна партнерка.
Според МВР, нападот се случил на 26 август околу 21 часот во стан во Струмица. Д.Р. бил приведен по полноќ, во 00:20 часот на 27 август, а потоа бил задржан во Полициската станица Струмица.
За случајот е известен јавен обвинител. По целосното документирање на настанот, против 28-годишникот ќе биде поднесена соодветна пријава.
