29-годишник затекнат кај Клуковец по пријавени истрели, одземени две пушки

Полициски службеници од СВР Велес извршиле службен разговор со 29-годишен жител на селото Клуковец по пријава за истрели од огнено оружје и сомнение за незаконит лов.

— реклама —

Од МВР информираат дека на 1 октомври во 4:50 часот бил извршен службен разговор со Ф.Т. (29).

— реклама —

Претходно, ловочувари од Ловечко друштво Велес пријавиле дека во близина на Клуковец слушнале истрели од огнено оружје. Поради сомнение за незаконит лов, тие излегле на терен, каде што забележале возило во кое се наоѓал Ф.Т.

— реклама —

Од него биле одземени две пушки и дозвола за оружје.

По целосното расчистување и документирање на настанот, против лицето ќе биде поднесена соодветна пријава.