Полицијата во Струга привела 32-годишен маж по пријава за агресивно однесување и упатување закани кон членови на семејството во семејниот дом, информира МВР.
На 20 август околу 13:30 часот, полициски службеници од ОВР Струга го лишиле од слобода А.И. од струшко село. Интервенцијата уследила по претходно добиена пријава за семејно насилство.
Според пријавеното, 32-годишникот во семејниот дом упатувал закани и се однесувал агресивно кон членови на семејството.
По целосното документирање на случајот, против него ќе биде поднесена соодветна пријава.
