35-годишник со тешки повреди: Од болницата каде што лежел рекле дека паднал од кревет, тој тврди дека бил нападнат од болничар

Триесет и петгодишен жител на Штип со тешки телесни повреди бил донесен во Комплексот клиники „Мајка Тереза“ во Скопје, а полицијата презема мерки за расчистување на околностите под кои настанале повредите.

— реклама —

Од Министерството за внатрешни работи информираат дека на 21 септември 2026 година во 10 часот во СВР Скопје било пријавено од Комплексот клиники „Мајка Тереза“ дека кај нив бил донесен Р.Ј. (35) од Штип со тешки телесни повреди.

— реклама —

Според пријавата на таткото на повредениот, на 16 септември тој од јавна здравствена установа во гевгелиско, каде што неговиот син се лекувал, бил известен дека Р.Ј. паднал од кревет и се повредил.

— реклама —

Од друга страна, повредениот пријавил дека во здравствената установа бил физички нападнат од болничар.

Се преземаат мерки за целосно расчистување на случајот.