Жена од Прилеп пријавила дека била физички нападната во близина на наплатната станица Гостивар, по претходна вербална расправија со нејзина роднина.
Од МВР информираат дека Ф.А. (36) на 6 септември во 17:45 часот го пријавила случајот во Полициското одделение Чегране. Според пријавеното, инцидентот се случил околу 15:30 часот, кога по расправијата со А.М., во физичкиот напад се вмешале Е.А., С.А. и С.Д.
Полицијата презема мерки за целосно расчистување и документирање на случајот.
