42-годишна жена украла пари од паричник на Тетовец

Жена од Штип била лишена од слобода во Тетово под сомнение дека украла пари од паричник на 64-годишен жител на Тетово.

— реклама —

Од МВР информираат дека на 16 септември во 15 часот, во населбата Поток во Тетово, полициски службеници од СВР Тетово ја лишиле од слобода Н.М. (42) од Штип поради постоење основи на сомнение за сторено кривично дело „кражба“, според член 235 од Кривичниот законик.

— реклама —

— реклама —

Според пријавеното, Н.М. се сомничи дека на 14 септември му одзела пари од паричникот на Н.Х. (64) од Тетово. Кражбата, според МВР, се случила на неговото работно место, на паркинг-простор во Тетово.

Жената е задржана во полициска станица. По целосното документирање на случајот, против неа ќе следува соодветен поднесок.