Полицијата презема мерки за пронаоѓање на 43-годишна жена од Битола, откако нејзиното исчезнување било пријавено во СВР Битола.
Според информациите од полицијата, на 18 јуни во 13:00 часот, А.Р. (52) од Битола пријавил дека од семејниот дом се оддалечила неговата сопруга Т.Р. (43).
Од СВР Битола информираат дека веднаш по пријавата се преземени активности и мерки за пронаоѓање на лицето и за утврдување на околностите под кои се оддалечило од домот.
