Повеќе од 500 пиротехнички средства биле пронајдени при претрес во домот на 51-годишен жител на Неготинско, по што против него е поднесена кривична пријава.
Од МВР информираат дека СВР Велес поднело кривична пријава против М.В. (51) од Неготинско, поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“.
При претресот извршен на 29 декември 2025 година во домот на пријавениот, полициски службеници пронашле и одзеле вкупно 537 парчиња пиротехнички средства.
