Во рамки на зајакнатите сообраќајни контроли низ Македонија, полицијата за само шест часа регистрирала 541 прекршок за надминување на дозволената брзина, информира Министерството за внатрешни работи.
Акциската контрола била спроведена на 15 октомври 2026 година, во периодот од 14 до 20 часот, на територијата на целата држава, со цел санкционирање на возачите кои не ги почитуваат пропишаните ограничувања на брзината.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Од вкупниот број прекршоци, 250 биле констатирани надвор од населени места, додека 291 се однесувале на возачи кои ја надминале дозволената брзина во населени места. Во текот на контролата биле откриени и 58 прекршоци од друг вид.
Од МВР информираат дека за сите утврдени прекршоци се преземени соодветни мерки согласно законските прописи.
Министерството најавува продолжување на засилените сообраќајни контроли низ државата и апелира до возачите да ги почитуваат ограничувањата на брзината и да го приспособат управувањето со возилата на условите на патот, со цел зголемување на безбедноста на сите учесници во сообраќајот.
