628 прекршоци за брзо возење за само шест часа

За само шест часа, при засилени сообраќајни контроли спроведени низ цела Македонија, полицијата констатирала 628 прекршоци поврзани со надминување на дозволената брзина.

— реклама —

Контролите биле спроведени на 4 октомври, во периодот од 14 до 20 часот, од страна на Секторот за сообраќајни работи при Министерството за внатрешни работи, со фокус на возачите кои управуваат со возила со брзина поголема од дозволената.

— реклама —

Од вкупниот број прекршоци, 344 биле регистрирани кај возачи кои ја надминале дозволената брзина надвор од населено место, додека 284 прекршоци биле констатирани во населени места.

За сите утврдени прекршоци преземени се соодветни мерки и изречени се санкции согласно законските прописи.

— реклама —

Во текот на контролите биле евидентирани и 66 други сообраќајни прекршоци.

Од МВР информираат дека засилените сообраќајни контроли продолжуваат на целата територија на државата, со цел да се зголеми безбедноста на учесниците во сообраќајот и да се намалат ризиците предизвикани од непочитувањето на ограничувањата на брзината.