Пожар избувнал во стан на улицата „Сава Михајлов“ во Гевгелија, при што нема повредени лица, информира МВР.
Случајот бил пријавен ноќеска, околу 00:25 часот, во Полициската станица Гевгелија. Припадниците на Територијалната противпожарна единица од Гевгелија интервенирале и пожарот бил изгаснат.
Од преземените мерки било утврдено дека пожарот го предизвикала 64-годишната В.К., која живеела во станот. Таа подоцна била спроведена во здравствена установа.
За случајот бил известен јавен обвинител од Основното јавно обвинителство Гевгелија. По целосното документирање на настанот, од МВР најавуваат поднесување соодветен поднесок.
