65-годишен скопјанец го загубил животот во несреќа на работното место во круг на фирма на подрачјето на општина Аеродром.
Според МВР, случајот бил пријавен на 12 август околу 12:25 часот од Итната медицинска помош. В.Н. (65) извршувал работни задачи кога бил прегазен од виљушкар, кој претходно сам се придвижил.
На местото на несреќата биле повикани надлежните служби, а смртта на работникот била констатирана.
За случајот бил известен јавен обвинител, како и трудов инспектор. Увид извршила екипа од СВР Скопје.
