67-годишен охриѓанец почина по пад од мопед

67-годишен охриѓанец починал во сообраќајна несреќа што се случила вчера на улицата „15 Корпус“ во Охрид, откако со мопедот што го управувал изгубил контрола и паднал на коловозот.

— реклама —

Несреќата била пријавена во СВР Охрид на 17 септември околу 11:30 часот. Според пријавеното, И.Б. од Охрид управувал мопед со охридски регистарски ознаки кога, од засега непознати причини, изгубил контрола и паднал.

— реклама —

Од здобиените повреди, тој починал на местото на несреќата. Лекар од Итната медицинска помош констатирал смрт.

— реклама —

„По наредба на јавен обвинител, телото на починатиот е предадено за обдукција“, информира портпаролот на СВР Охрид, Стефан Димоски.

— реклама —

На местото на несреќата бил извршен увид од јавен обвинител и увидна екипа на СВР Охрид.