Тело на 68-годишен маж било пронајдено во нива во атарот на прилепското село Беровци, соопшти МВР.
Случајот бил пријавен на 11 август во 07:33 часот во СВР Битола од страна на А.В. од истото село, кој го пронашол својот татко С.В. со прострелна рана во пределот на градниот кош.
Лекар од Итната медицинска помош од Прилеп констатирал смрт. Во возилото била пронајдена ловечка пушка со испалена чаура во цевката.
На местото бил извршен увид, а по наредба на јавен обвинител телото на починатиот ќе биде предадено на обдукција. МВР дополнително ќе ги утврдува околностите под кои настанала смртта.
