68-годишен маж тешко повреден откако во него удрило товарно возило

Шеесет и осумгодишен маж се здобил со тешки телесни повреди откако во него удрило товарно возило на улицата „Дижонска“ во Скопје.

— реклама —

Според информациите од Министерството за внатрешни работи, несреќата се случила на 5 ноември, а била пријавена во СВР Скопје во 15 часот.

— реклама —

Товарното возило „пежо“, со скопски регистарски ознаки, го управувал Б.Л. (36) од Скопје, кој удрил во пешакот Л.М. (68), исто така од Скопје.

— реклама —

Повредениот бил пренесен во ЈЗУ „Св. Наум Охридски“ во Скопје, каде што му биле констатирани тешки телесни повреди.

— реклама —

Увид на местото на несреќата извршила екипа на СВР Скопје.