Безживотно тело на 69-годишен жител е пронајдено при гасење пожар што избувнал во куќа во селото Пирава, валандовско.
Од Министерството за внатрешни работи информираат дека пожарот бил пријавен на 21 септември 2026 година околу 17:55 часот во Полициската станица Валандово.
На местото извршила увид увидна екипа од ОВР Валандово, при што било констатирано дека при гасењето на пожарот, во една од собите било пронајдено безживотното тело на Е.О. (69) од селото.
Екипа на Итната медицинска помош од Валандово констатирала смрт.
За настанот бил известен јавен обвинител од Основното јавно обвинителство Гевгелија.
