Седумдесетгодишен велосипедист е тешко повреден во сообраќајна несреќа што се случила вчераутро на регионалниот пат Скопје-Велес, во близина на селото Трубарево.
Според информациите од МВР, несреќата се случила околу 6:50 часот, кога се судриле патничко возило „хјундаи“ со скопски регистарски ознаки, управувано од 41-годишната Б.Ј. од Скопје, и велосипед управуван од 70-годишниот В.Д., исто така од Скопје.
Во несреќата велосипедистот се здобил со тешки телесни повреди, кои биле констатирани во Ургентниот центар при комплексот клиники „Мајка Тереза“ во Скопје.
На местото на несреќата бил извршен увид од увидна екипа на СВР Скопје.
