70 возачи не го почитувале првенството на минување, откриени 227 други прекршоци

Во акциска сообраќајна контрола спроведена низ Македонија, полицијата за само пет часа открила 70 прекршоци поради непочитување на правилата за првенство на минување.

— реклама —

Контролата била спроведена на 3 ноември, во периодот од 9 до 14 часот, од страна на Секторот за сообраќајни работи при Министерството за внатрешни работи.

— реклама —

— реклама —

Покрај прекршоците за непочитување на првенството на минување, биле евидентирани и дополнителни 227 прекршоци од друг вид. За сите констатирани неправилности биле преземени соодветни мерки согласно законските прописи.

— реклама —

Од МВР најавуваат продолжување на акциските контроли и апелираат до возачите да ги почитуваат сообраќајните правила, да бидат внимателни и да им дадат предност на учесниците во сообраќајот кои имаат право на првенство.