Полициски службеници од ОВР Прилеп привеле 71-годишен прилепчанец, откако против него била поднесена пријава за полово вознемирување.
Според информациите од СВР Битола, на 7 јули околу 19:00 часот бил лишен од слобода Д.В. (71) од Прилеп, постапувајќи по пријава од 40-годишна жена од Прилеп.
Според пријавата, мажот дошол во нејзиниот дом додека таа била заедно со својата малолетна ќерка, при што ја полово вознемирувал и се обидел да ја допира по телото.
Од полицијата информираат дека по целосното документирање на случајот ќе биде поднесен соодветен поднесок.
