Седумдесет и шестгодишен охриѓанец бил лишен од слобода откако било пријавено дека агресивно се однесувал во семејниот дом и им се заканувал на својата ќерка и внукот.
Според МВР, Џ.М. (76) бил лишен од слобода на 13 август во 19:00 часот од страна на полициски службеници од СВР Охрид, кои постапувале по претходно добиена пријава.
При инцидентот, според пријавеното, тој употребил и остар предмет. Предметот бил пронајден и одземен од страна на полицијата.
По целосното документирање на случајот, против 76-годишникот ќе биде поднесена соодветна пријава.
