76-годишна жена од Струга се здобила со тешки телесни повреди откако била удрена од товарно возило на улицата „Димитар Влахов“.
Сообраќајната несреќа била пријавена на 16 септември околу 11:20 часот во ОВР Струга. Во несреќата учествувало товарно возило „фиат добло“ со струшки регистарски ознаки, управувано од 30-годишниот А.С. од Струга.
Возилото ја удрило В.П. (76) од Струга, која се здобила со тешки телесни повреди. Повредите биле констатирани во Медицинскиот центар во Струга.
Увид на местото извршила увидна екипа од ОВР Струга.
