77-годишен пешак загина откако бил удрен на автопатот Градско-Велес, возачот избегал

77-годишен пешак од велешкото село Мамутчево го загубил животот откако бил удрен од патничко возило на автопатот Градско-Велес.

— реклама —

Според МВР, несреќата била пријавена на 5 октомври околу 5:30 часот во СВР Велес. На местото викано „Штипска клучка“, патничко возило удрило во С.М. (77), по што возачот со возилото го напуштил местото на несреќата.

— реклама —

Од здобиените повреди, пешакот починал на самото место, а лекар ја констатирал смртта.

— реклама —

По наредба на јавен обвинител, телото на починатиот е предадено во Институтот за судска медицина за обдукција.

— реклама —

На местото бил извршен увид од јавен обвинител и увидна екипа на СВР Велес. Полицијата презема мерки за целосно расчистување на случајот, по што ќе биде поднесена соодветна пријава.