78-годишен тетовец заврши во притвор по напад врз сопругата

Случај на семејно насилство е регистриран во Тетово, откако 78-годишен маж бил приведен под сомнение дека физички ја нападнал својата сопруга и ѝ нанел телесни повреди.

— реклама —

Од СВР Тетово информираат дека на 11 јуни, во 16:00 часот, полициски службеници го лишиле од слобода Ш.А. (78) од Тетово, постапувајќи по претходна пријава дека истиот ден, околу 09:00 часот, во семејниот дом физички ја нападнал својата 74-годишна сопруга.

— реклама —

Жената се здобила со телесни повреди, кои биле констатирани во Клиничката болница во Тетово.

— реклама —

Осомничениот бил задржан во полициска станица, а против него е поднесена соодветна пријава по член 130 од Кривичниот законик. Тој бил изведен пред надлежен судија, кој му определил мерка притвор во траење од осум дена.

— реклама —

По донесената одлука, Ш.А. бил спроведен во Казнено-поправната установа „Затвор Скопје“, каде ќе ја издржува мерката притвор.