Во дом на подрачјето на Кисела Вода во Скопје била пронајдена почината 78-годишната Л.К., информира Министерството за внатрешни работи.
Случајот бил пријавен во СВР Скопје на 7 јули околу 14:05 часот, по што на местото пристигнала екипа на Итната медицинска помош. Лекар констатирал смрт, при што не биле забележани видливи траги на насилство.
По насоки на јавен обвинител, телото на починатата е предадено на Институтот за судска медицина, каде ќе биде извршена обдукција за утврдување на причините за смртта.
