80-годишен жител на Чегране приведен по пријава дека се заканувал со остар предмет и оштетил автомобил

Осумдесетгодишен жител на Чегране е лишен од слобода по пријава дека со остар предмет им се заканувал на 19-годишник и негови пријатели, а потоа го оштетил нивното возило.

— реклама —

Од МВР информираат дека на 11 август во 03:30 часот, полициски службеници од Полициското одделение Чегране и ОВР Гостивар го привеле Н.Ч. (80).

— реклама —

— реклама —

Според пријавеното, околу 02:00 часот на паркинг-простор во Чегране, Н.Ч. со остар предмет се заканувал на Б.Д. (19) и неговите пријатели. Откако тие влегле во возилото „фолксваген туран“, тој со предметот го искршил предното ветробранско стакло, а потоа фрлал и тврди предмети кон нив.

— реклама —

Н.Ч. е задржан во полициска станица, а по целосното документирање на случајот ќе следува соодветен поднесок.