Организацијата на СДСМ во Охрид го доведе во прашање греењето во јавниот сектор во градот, на што градоначалникот Кирил Пецаков им порача дека со објавите на социјалните мрежи се однесуваат комично. Тој додава дека му е жал што во претходната објава му посветил време на премиерот Димитар Ковачевски кој има намера да го раскинува договорот за автопатот, бидејќи требало директно да го искоментира однесувањето на владеачката партија.
„НАСЛОВ: „Грејна сезона“. Нешто од прилика како наслов за видео за стенд ап комедија, од рубриката загрижени граѓани...(инстаграм, тик ток , фб и останати социјални мрежи) Веќе ми е криво шо го пишав претходниот пост, требеше директно за оваа јавна прозивка... А бе соземите се партија водите, не фолклорно друштво...( по шо секако не ве биват за водење ДРЖАВА)“, напиша Пецаков.
Пред ова, Пецаков жестоко го искритикува Ковачевски.
Пецаков по ставот на Ковачевски: Македонија, поненормална власт немала, ама и нема ни да има!
Охридскиот градоначалник, Кирил Пецаков, ја искоментира изјавата на премиерот Димитар Ковачевски, кој кажа дека не е исклучено да се раскине договорот за автоптот Охрид-Кичево.“За момент ако ја тргниме настрана оваа изјава, би рекол дека Македонија, поненормална власт немала, ама и нема ни да има!!!Битно држите пресови персонализирани, за секоја општина каде што се градоначалници од ВМРО - ДПМНЕ по повод 2 години локална власт, а минимум 10 општини, ПОЕДИНЕЧНО имаат направено повеќе игралишта од Агенција за Млади и Спорт за 6 години(како еден пример)... Толку е постот!! Избори е решението, ИЗБОРИ се спас за Македонија!!!”, пишува Пецаков.Претседателот на Владата на Република Македонија, Димитар Ковачевски, денеска во Охрид, се обрати на Првата конференција за патна инфраструктура, искуства, предизвици, перспективи во организација на Здружението за градежништво, индустрија за градежни материјали и неметали, при македонсакта Стопанска комора.
Македонија | пред 2 години
