Го потсетуваме заменик директорот на Царинската Управа на Северна Македонија г. Ирфан Бучи, кој ги покани албанските цариници на состанок во седиштето на ДУИ во Мала Речица, дека тој и неговите колеги го прекршиле Кодексот на Однесување на Царинските Службеници, кој е во сила од април 2016 година, се вели во реакцијата од Алијанса за Албанците.
Овој кодекс, во одредбата „Политички активности“ член 16 став 1 стои:
Царинските службеници ги извршуваат своите работни задачи, обврски и овластувања на политички неутрален начин, без да навлегуваат во вредносно преиспитување на зацртаната економска и царинска политика.
Такво нешто се забранува во продолжение и со став 2 од член 16, во кој се вели: Царинските службеници нема јавно да го застапуваат или изразуваат своето политичко убедување во вршењето на работните задачи и овластувања.
Исто така член 17 став 2 спречува такво нешто: Во односите со јавноста, како и во односите со своите колеги, царинските службеници нема да ја споменуваат, истакнуваат или посредно ја ставаат до знаење својата припадност кон одредена политичка партија Членовите 16, 17 и 18 од Кодексот на Однесување на Царинските Службеници спречуваат царинските службеници да бидат вклучени во политички активности и отворено да го искажат тоа. Ирфан Бучи, треба да преземе морална, политичка одговорност но исто така и легална одговорност и јавно да им се извини на цариниците што ги покани на состанок во седиштето на ДУИ во Тетово.
Го потсетуваме пратеникот Артан Груби, кој истовремено е и претседател на Парламентарната Комисија за Европски Интеграции, кој ги примил на состанокот царинските службеници во седиштето на неговата партија, дека таквата акција е во спротивност со приоритетите за итни реформи одобрени од Европската Комисија за Северна Македонија со стручните препораки на Прибе, кои се основен елемент на владеењето на правото и како што стои: ЗА ОДДЕЛУВАЊЕ НА ПАРТИСКИТЕ АКТИВНОСТИ ОД ДРЖАВНИТЕ.
Ова се само неколку аргументи за тоа како ДУИ ја заробува државата, злоупотребувајќи ја власта. Овие политички функционери на ДУИ и нивниот политички субјект, со ваквото однесување и прекршување на законот стануваат главна пречка на земјата за недобивање датум за преговори со ЕУ. Бараме политичка одговорност од релевантните
институции, Антикорупциската комисија и премиерот Заев јавно да се искажат за овој случај, се вели во реакцијата од Алијанса за Албанците.
