Само два дена откако ја водеше свадбената церемонија на Тејлор Свифт и Тревис Келси, холивудскиот актер и комичар Адам Сендлер побарал помош од полицијата на островот Нантакет во американската држава Масачусетс.
Но, причината за повикот не била никаква опасност. Сендлер ја контактирал локалната полициска станица преку линијата за неитни случаи со едноставно прашање – каде може да најде кошаркарско игралиште за да игра.
Диспечерот Крис Рејнолдс за локалниот медиум „Nantucket Current“ изјавил дека актерот им рекол: „Тука сум на вашиот остров и обожавам да играм кошарка. Можете ли да ми кажете каде има игралиште?“
Полицијата му препорачала терен во близина на патот Сурфсајд, каде што веќе играле локални жители.
Еден од нив, Ендрју Кеслер, раскажал дека било „надреално“ кога Сендлер пристигнал и побарал да им се приклучи.
„Рече: ‘Дечки, да се истегнам малку и ќе играм со вас’“, изјавил Кеслер, додавајќи дека актерот одлично додава, добро организира игра и често влегува под кошот, иако поретко шутира.
Љубовта на Адам Сендлер кон кошарката е добро позната, а тој често може да се види како игра на јавни игралишта низ САД.
