Ивица Николовски, член на Судски совет бара појаснување од претседателката на Врховен суд, Беса Адеми, дали обвинувањата за политички притисоци се нејзин став или тоа се поплаки односно изјави од судиите. Тој посочува дека ако не остварат средба, ќе се продолжи на друг начин односно разговор со другите судии на Врховен.
„Заземен е став дека ние ќе го испитаме до крај ова прашање, за да видиме дали тоа се лични ставови на претседателот на Врховен суд или се споделени ставови и мислења на судиите од Врховен суд, кои претседателот во нивно име ги пренесува. Тоа значи дека дали ние ќе одиме на посета во Врховен суд или ќе бидат повикани колегите тука – дополнително ќе ја одлучиме формата“, вели Ивица Николовски, член на Судски совет.
Тој посочува дека тие не треба да дојдат во Судски совет на информативен разговор, туку на разговор за да им се понуди помош.
Претходно, Сашко Георгиев, претседателот на Судскиот совет не го смета за правилен чекорот на претседателката на Врховен суд, Беса Адеми, која не дојде на работниот состанок. Смета дека членовите ќе ја заштителе. Нагласи дека биле подготвени за разговор. Проблемот ќе се решавал со дискусии и прашања.
Беса Адеми доби охрабрување да отиде до Судски совет за политичките влијанија: Бевме спремни за разговор
Сашко Георгиев, претседателот на Судскиот совет не го смета за правилен чекорот на претседателката на Врховен суд, Беса Адеми, која не дојде на работниот состанок. Смета дека членовите ќе ја заштителе. Нагласи дека биле подготвени за разговор. Проблемот ќе се решавал со дискусии и прашања.„Согласно надлежностите, утврдено е дека Советот ја гарантира независноста на судската власт. По повод изјавите на претседателката на Врховниот суд, сметавме дека нужно треба да ја поканиме на работен состанок, за да изнесе конкретни работи во однос на нејзино видивање за политичко влијание. Бевме спремни за разговор, но колешката Беса Адеми не се појави, а ни испрати писмо во кое најави дека нема да дојде“, рече Георгиев.Тој смета дека потребно е во случајов Адеми да дојде во Судскиот совет.„Во ваква состојба, Советот беше спремен и е спремен за отворени дискусии и прашања. Ја охрабрувам. Праќам порака за судството и судиите, како за Врховен така и за другите, доколку почуствуваат притисоци, Судскиот совет е на располагање за законски да оствари гаранција и заштита“, додаде тој.Додаде дека притисок врз судии е кривично дело.
Македонија | пред 2 години
