Пратеникот и функционер на ДУИ, Арбер Адеми, објави фотографија од лидерот на партијата Али Ахмети, придружена со порака во која му дава силна политичка поддршка.
„Вистинската промена го носи печатот на едно име: Али Ахмети“, напиша Адеми на албански јазик.
Во објавата тој додаде и емотикон со круна, како и иницијалите „АА“, јасно алудирајќи на Ахмети.
На фотографијата, Ахмети е снимен во автомобил додека разговара на телефон, а објавата доаѓа во период на засилена политичка реторика меѓу ДУИ и албанските партии од власта.
