Адмир Хоџич кој и е познат на полицијата вчера вечер беше уапсен од страна на сараевските специјалци. Тој е осомничен дека учествувал во убиството на 30-годишниот Милош Остојиќ од Источно Сараево.
Според српските медиуми Хоџич е обвинет дека ги криел лицата кои ја извршиле ликвидацијата. Најверојатно станува збор за две лица.
Нив полицијата не ги затекнала во станот кој го користи Хоџич и по нив се уште се трага. Станот на осомничениот е претресен и од него се земени некои докази.
