Аеродромот во Минхен привремено затворен поради сомнеж за дрон

Аеродромот во Минхен утрово беше привремено затворен повеќе од еден час поради сомневање за присуство на дрон во близина на аеродромскиот простор, јавуваат германските медиуми.

— реклама —

Според информациите, воздушниот сообраќај бил целосно прекинат од околу 9 часот, откако двајца пилоти пријавиле пречки за време на летот. Поради можноста тие да биле предизвикани од беспилотно летало, надлежните служби веднаш презеле безбедносни мерки и ги затвориле двете писти за полетување и слетување.

— реклама —

Портпаролот на Сојузната полиција, Штефан Бајер, изјавил дека во близина на аеродромот бил забележан потенцијално неовластен летечки објект, за кој постоело сомневање дека е дрон.

Во потрагата биле вклучени голем број полициски службеници, како и полициски хеликоптер кој ја пребарувал околината за да го утврди изворот на пријавената закана.

— реклама —

По извршените проверки, околу 10:05 часот полицијата соопштила дека не е пронајдено ништо сомнително, по што воздушниот сообраќај бил нормализиран и летовите продолжиле според предвидениот распоред.

— реклама —

Аеродромот во Минхен е втор најголем аеродром во Германија, веднаш по аеродромот во Франкфурт, и претставува едно од главните европски воздушни средишта на германската авиокомпанија Луфтханза.