Албанските медиуми објавуваат дека Аеродромот „Мајка Тереза“ во Тирана е затворен поради огромно оштетување на терминалот по земјотресот што ја погоди Албанија рано утрово. Земјата се соочува со последиците од катастрофалниот земјотрес.
Силниот земјотрес со јачина од 6,4 по Рихтер кој утринава ја погоди Албанија оштети куќи, а жителите на Тирана избегаа на улиците, некои со бебиња во раце. Како што јавува албански Фактор, најмалку пет лица загинале. Според податоците на светските медиуми има најмалку 150 повредени.
