Акција на „Таск Форс“ во Тетово и Гостивар: Пронајдени кокаин и марихуана, приведени двајца мажи

Вчера (10 октомври), во 22:30 часот, во Градскиот трговски центар во Тетово, полициски службеници од мобилната единица „Таск Форс“ го лишиле од слобода 29-годишниот Т.С. од Тетово.

— реклама —

При извршениот преглед кај него била пронајдена најлонска ќеса со кокаин. Тој се сомничи за сторено кривично дело „неовластено производство и пуштање во промет наркотични дроги, психотропни супстанции и прекурсори“, предвидено во член 215 од Кривичниот законик.

— реклама —

Друга акција била спроведена денеска (11 октомври), во 00:10 часот, во Гостивар, каде што бил лишен од слобода 21-годишниот Л.М. од Прилеп, кој престојувал во Гостивар.

— реклама —

При прегледот кај него биле пронајдени најлонска ќеса со кокаин и фолија со зелена марихуана.

Двете лица се задржани во полициска станица. По целосното документирање на случаите, против нив ќе следуваат соодветни поднесоци, информираат од полицијата.