Акција во Свети Николе: одземени марихуана и дигитална вага

Полициски службеници од ОВР Свети Николе привеле 25-годишен жител на селото Ерџелија, откако при претрес во неговиот дом биле пронајдени наркотични супстанци и дигитална вага, соопшти Министерството за внатрешни работи.

— реклама —

„На 08.04.2026 во 16:35 часот во с. Ерџелија, светиниколско, полициски службеници од ОВР Свети Николе го лишија од слобода А.Т.(25) од с. Ерџелија“, соопшти МВР.

— реклама —

Претресот бил извршен со судска наредба, при што биле пронајдени повеќе предмети поврзани со недозволени активности.

„При претрес во неговиот дом и помошни простории во селото, извршен со наредба на Основен суд Свети Николе, пронајдени се и одземени марихуана, бела грутчеста материја и дигитална вага“, соопшти МВР.

— реклама —

Осомничениот е приведен и задржан во полициска станица, а по документирање на случајот ќе следува постапка.

„Тој е приведен во полициска станица и по целосно документирање на случајот, против него ќе биде поднесена соодветна пријава“, соопшти МВР.