Акциска контрола во Тетово: Санкционирани 50 возачи, уапсено едно лице и одземени мопед и тротинет

Педесет санкции биле изречени за време на акциската сообраќајна контрола што ја спроведе Мобилната единица за безбедност на сообраќајот на патиштата на подрачјето на Тетово, насочена кон возачи на мопеди, мотоцикли и лесни електрични возила.

— реклама —

Како што информира Министерството за внатрешни работи, контролата била реализирана на 5 август во периодот од 17 до 23 часот.

— реклама —

Од вкупно 50 санкции, девет се изречени за возачи на тротинети, 31 за управување мопед или мотоцикл без заштитен шлем, една за истечена полиса за осигурување, една за нерегистриран мотоцикл, една за управување без соодветна возачка категорија, една за возење под дејство на алкохол, една за друг прекршок сторен од возач на мопед или мотоцикл, три за други сообраќајни прекршоци и едно барање против правно лице.

За време на акцијата било лишено од слобода едно лице поради сомнение дека сторило кривично дело „безобѕирно управување со моторно возило“, бидејќи управувало мопед без да поседува возачка дозвола. Мопедот му бил одземен.

— реклама —

Полициските службеници привремено одзеле и едно лесно електрично возило – тротинет, кое го управувало дете што превезувало уште едно лице.

— реклама —

Од МВР најавуваат дека засилените сообраќајни контроли ќе продолжат и во наредниот период низ целата држава, со цел подобрување на безбедноста во сообраќајот и санкционирање на прекршителите.