Смртта на неготинчанката претепана од партнерот, наиде на остри осуди и згрозување. Меѓу многуте реакции, има и такви кои потсетуваат на стигнамата која се прави на жртвите на семејно, но и други видови насилство.
Божидар Божиновски, кој важи за остар критичар на ваквите состојби, посочува дека мора да функционираат за да ова не се повторува.
„На секое вакво убиство сме гневни и зачудени, а ги има многу. Ако не профункционираат институциите и во иднина, за жал, ќе има уште убиства, тепања, пекол за жртвите на семејно насилство. Многу често институциите ѓу враќаат жртвите кај џелатот и им ја продолжуваат агонијата. Ако еднаш кренал рака, нема да остане на еднаш…
Менталитетот е другиот проблем, кој мора со едукација да се смени, а тоа не е брз процес ко институциинални решенија. На секој пост за семејно насилство има коментари “убо ѝ напрајл”, ”сама си го барала”. Стигмата на заедницата не паѓа на насилникот туку на жртвата“, пишува Божиновски.
Во тек на вчерашниот ден во Клиничкиот центар „Мајка Тереза“ во Скопје почина 46-годишната жена од Неготино, која беше претепана од страна на нејзиниот партнер П.Н. (51) во раните утрински часови на втори август. Таа од тогаш беше во кома поради тешките повреди и се бореше за живот.
Почина жената од Неготино, која беше претепана од нејзиниот партнер
Во тек на вчерашниот ден во Клиничкиот центар „Мајка Тереза“ во Скопје почина 46-годишната жена од Неготино, која беше претепана од страна на нејзиниот партнер П.Н. (51) во раните утрински часови на втори август. Таа од тогаш беше во кома поради тешките повреди и се бореше за живот.Според д-р Маја Мојсова, раководителка на Клиниката за анестезија, реанимација и интензивно лекување, жената кај нив била донесена со многу тешки повреди на мозокот и черепот.-Пациентката кај нас беше донесена во кома. Стануваше збор за многу тешки повреди на мозок и на череп и веднаш беше оперирана. За жал, почина – изјави за ,,Фокус” д-р Мојсова.
Македонија | пред 3 години
