Ако не сакате „Фејсбук“ да ја знае вашата локација и да не собира информации за вас, ќе треба да се помачите

Социјалната мрежа „Фејсбук“ објави дека ќе ја промени својата досегашна политика и ќе им овозможи на корисниците да ги гледаат и контролираат податоците кои другите интернет-страници и апликации ги користат од социјалната мрежа за подобро да ги насочат своите маркетинг-кампањи. Со ова, технолошкиот гигант сака да покаже дека ја јакне заштитата на личните податоци на своите корисници.

— реклама —

Всушност, компанијата го најави лансирањето на долгоочекуваната алатка што ќе им овозможи на корисниците да ја блокираат можноста социјалната мрежа да собира информации за нив.

— реклама —

„Фејсбук“ објави дека ќе додаде место каде корисниците ќе можат да ги видат нивните активности што „Фејсбук“ ги следи надвор од својот сервис и доколку сакаат, ќе можат да ја исклучат ваквата можност.

Оваа алатка денеска ќе биде официјално достапна во Јужна Кореја, Ирска и Шпанија, а во наредните месеци ќе стане достапна и за корисниците во други земји.

— реклама —

„Фејсбук“ се соочува со зголемена контрола од страна на владата во однос на практиките за приватност кои ги применува компанијата.

— реклама —

Извршниот директор Марк Цукерберг пред повеќе од една година објави дека компанијата активно работи на функцијата што денес е промовирана.