До 13 часот денеска во земјава се регистрирани три пожари на отворен простор, од кои еден е активен, еден е ставен под контрола, а еден е целосно изгаснат, информира Центарот за управување со кризи.
Активниот пожар е регистриран на територијата на Општина Велес, во близина на селото Иванковци, каде што гори шума.
Под контрола е пожарот во Општина Македонски Брод, на потегот Дабова Дупка – Јасен, кај селото Белица и локалитетот Кајорец. Зафатени се нискостеблеста и мешана борова шума.
Во Општина Куманово е регистриран пожар на улицата „Илиевски“ број 51, каде што горела ниска вегетација. Пожарот е изгаснат.
