Аларм низ Украина поради рускиот напад, Полска ги крена борбените авиони

Сите региони на Украина, вклучително и регионот Киев, рано утринава беа во состојба на воздушна готовност, откако локалните власти објавија дека руски проектили биле лансирани во правец на главниот град.

— реклама —

44-годишна жена е ранета во напад во регионот на Киев, објави воената администрација на регионот на својот канал Телеграм. Повредената е пренесена во болница со расекотина на ногата.

— реклама —

— реклама —

Воздушниот напад во регионот на Киев беше укинат пред помалку од половина час, но предупредувањата остануваат на сила во другите делови на Украина, вклучувајќи го и регионот Житомир на западот на земјата.

— реклама —

Во меѓувреме, Полска ги исфрли своите борбени авиони како одговор на рускиот напад, соопштија властите, но не беа објавени дополнителни детали за можните закани за полскиот воздушен простор.