Полицијата го фати на дело: Албански државјанин предизвикувал пожар кај Прилеп

Триесет и осумгодишен државјанин на Албанија е уапсен во прилепско, откако полицијата го затекнала како предизвикува пожар на отворено, палејќи сува трева во атарот на селото Житоше.

— реклама —

Според Министерството за внатрешни работи, случајот се случил вчера, 23 октомври, околу 14:20 часот, на местото викано „Коливади“.

— реклама —

Полициски службеници од Полициското одделение Ропотово го затекнале М.Џ. (38) од Албанија како предизвикува пожар на сува трева, по што веднаш бил лишен од слобода.

На местото интервенирала екипа на Територијалната противпожарна единица Прилеп, која успеала да го изгасне пожарот.

— реклама —

За настанот бил известен јавен обвинител, а приведениот бил предаден во ОВР Прилеп.

Од МВР информираат дека по целосното документирање на случајот против него ќе биде поднесена кривична пријава за „Предизвикување општа опасност“, согласно член 288 од Кривичниот законик.