Инцидент со семејно насилство бил пријавен на струшкото крајбрежје, откако албански државјанин, според пријавата, физички ја нападнал својата партнерка.
Случајот бил пријавен на 9 септември во 21:50 часот во ОВР Струга. Според пријавеното, на плажа на струшкото крајбрежје С.Г., државјанин на Албанија, физички ја нападнал својата 37-годишна партнерка од Струга.
Полицијата презема мерки за целосно расветлување и документирање на настанот, по што против пријавениот ќе биде поднесена соодветна пријава.
