Актерот Алек Болдвин, често го прашуваат зошто има толку деца, па актерот реши да стави точка на тоа прашање со само еден коментар.
Тој на интересен начин одговори на прашањето кое често му го поставуваат на Инстаграм, а се однесува на тоа што тој и неговата сопруга Хиларија (38) имаат шест деца, додека седмото е на пат.
„Луѓето коментираат колку деца имаме и прашуваат зошто. Еве зошто. Она што ми е најважно во овој живот се овие луѓе“, напиша тој и објави видео во кое Хиларија на нивните најмали деца им подари шишиња со млеко, а Едуардо и Лусија се облечени во комбинезони кои личат на кучиња, со додатоци како опашки и уши.
„Некои деца сакаат да бидат суперхерои и членови на кралското семејство, а моите бебиња сакаат да бидат кученца... Затоа што тие се супер љубители на животни“, напиша Хиларија.
